Ուրբաթ, 29 մարտի, 2024 թ.
|
Ստեփանակերտում`   +16 °C

«Նախատեսում ենք ստեղծել ռազմական ակադեմիա»․ Սուրեն Պապիկյան

«Նախատեսում ենք ստեղծել ռազմական ակադեմիա»․ Սուրեն Պապիկյան
634
Չորեքշաբթի, 06 հուլիսի, 2022 թ., 12:36

Հանրապետությունում կստեղծվի Ռազմական ակադեմիա։ Այս մասին Ազգային ժողովում պաշտպանության և անվտանգության խորհրդարանական մշտական հանձնաժողովի հուլիսի 6-ի արտահերթ նիստում հաղորդել է պաշտպանության նախարար Սուրեն Պապիկյանը։
«Մինչ այդ բարեփոխումը մենք առանձին ուսումնական հաստատություն չունեինք սահմանապահ զորքերի սպաներ պատրաստելու համար»,- նշել է նախարարը և հավելել, որ սահմանապահ զորքերում ծառայել են Հայաստանի և Ռուսաստանի ռազմական ուսումնարանների շրջանավարտները։
Նախարարի խոսքով՝ ռազմական կրթության ոլորտում բարեփոխումների շրջանակում Պաշտպանության նախարարությունը նախատեսել է նոր Ռազմական ակադեմիան ստեղծել Վազգեն Սարգսյանի անվան Ռազմական ինստիտուտը և Արմենակ Խանփերյանցի անվան Ռազմական ավիացիոն ինստիտուտը միավորելով: Դրանում կլինեն առանձին ֆակուլտետներ, այդ թվում՝ սահմանապահ զորքերում ծառայության պատրաստման գծով։