«Տնտեսական ակտիվության աճի տեմպն արագացել է». Բաբկեն Թունյան

ՔՊ-ական պատգամավոր Բաբկեն Թունյանի գրառումը. «Տնտեսական ակտիվության աճի տեմպն արագացել է

● 2022 թվականի հունվար-օգոստոսին ՀՀ տնտեսական ակտիվության ցուցանիշն աճել է 13.9%-ով՝ նախորդ տարվա նույն ժամանակահատվածի համեմատ։

● Հունվար-օգոստոսին աճի տեմպն արագացել է (հունվար-հուլիսին այն 13.1% էր, հունվար-հունիսին՝ 11.8%):

● Դիտարկվող ժամանակահատվածում արդյունաբերությունն աճել է 9.2%-ով, շինարարությունը՝ 14.2%-ով, ծառայությունները՝ 27.1%-ով, առևտրաշրջանառությունը՝ 13.6%-ով:

Տարվա առաջին 8 ամիսների տնտեսական դինամիկան թույլ է տալիս ենթադրել, որ 2022 թվականը կփակենք նախատեսվածից բարձր՝ երկնիշ տնտեսական աճով, և նախատեսվածից ցածր պարտք/ՀՆԱ հարաբերակցությամբ։

Ինչը թույլ է տալիս 2023 թվականի համար նախատեսել ավելի մեծ հնարավորություններ ընձեռող պետական բյուջե»։