Nissan-ն իր ակտիվները փոխանցել է Ռուսաստանին 1 եվրոյով

Ճապոնական Nissan ավտոարտադրողը հայտարարել է, որ Ռուսաստանում իր բիզնեսը 1 եվրոյով կփոխանցի պետական ​​ձեռնարկությանը, ընկերությունը կկորցնի 687 մլն դոլար, հայտնում է Reuters-ը։

Խոսքը Սանկտ Պետերբուրգի Nissan գործարանի, ինչպես նաև Մոսկվայում վաճառքի և շուկայի կառավարման կենտրոնի մասին է։ Nissan Manufacturing Russia LLC-ի ռուսական այս ակտիվները կփոխանցվեն FSUE NAMI պետական ​​ընկերությանը, որը Ռուսաստանի Դաշնության արդյունաբերության և առևտրի նախարարության ենթակայության ձեռնարկություն է: Գործարքը Nissan-ին իրավունք կտա վեց տարվա ընթացքում ետ գնել բիզնեսը։

Ավելի վաղ հատնել էինք, որ АвтоВАЗ-ը Ռուսաստանում կսպասարկի Nissan մեքենաները և կմատակարարի պահեստամասեր։ Ակտիվների փոխանցոմամբ Nissan-ը դառնում է վերջին խոշոր ընկերությունը, որը լքել է Ռուսաստանը Ուկրաինա լայնամասշտաբ ներխուժումից հետո: Գործարքը նման էր Nissan-ի հիմնական բաժնետիրոջ՝ ֆրանսիական Renault ավտոարտադրողի կնքած գործարքին։ Նրա ակտիվները փոխանցվել են Մոսկվա, իսկ АвтоВАЗ-ում նրա մասնաբաժինը փոխանցվել է արդյունաբերության և առևտրի նախարարության ենթակայությանը։

Սանկտ Պետերբուրգի Nissan գործարանը սկսել է ավտոմեքենաների արտադրությունը 2009 թվականին։ 2021 թվականին գործարանն արտադրությունն ավելացրել է 17%-ով՝ հասնելով 45000 մեքենայի։ Անցյալ տարի Ռուսաստանում վաճառվել է մոտ 51,5 հազար Nissan ավտոմեքենա։ Շուկայի մասնաբաժինը կազմել է 3,1%։