«ԿԳՄՍ նախարարն ինձ առաջարկել է նոր կազմավորվող բուհում գրավել որևիցե բարձր պաշտոն․ ես հրաժարվել եմ»․ Բրյուսովի ռեկտոր

Բրյուսովի անվան պետական համալսարանի ռեկտոր Կարինե Հարությունյանն այսօր ընթացող նիստի ընթացքում հայտարարեց, որ ԿԳՄՍ նախարարն իր հետ հանդիպման ժամանակ առաջարկել է նոր կազմավորվող բուհում գրավել որևիցե բարձր պաշտոն, իսկ ինքը հրաժարվել է. «Ասել եմ, որ դա բացառված է, հիմա նորից ամենայն պատասխանատվությամբ հայտնում եմ, որ նոր կազմավորվող ինստիտուտում ես որևիցե պաշտոն չեմ զբաղեցնելու, ես նշել եմ, որ սա անձնային հարց չի, այստեղ ոչ մի ստորգետնյա շարժումներ չկան, մանիպուլյացիայի ենթարկել այսքան ուսանողների և դասախոսների հնարավոր չի, ես նշանակված եմ ռեկտոր, որպեսզի պաշտպանեմ բուհի շահերը, ուսանողների և ամբողջ աշխատակազմի կողքին եմ»։