«Ինձ զեկուցվել է, որ Հայաստանի շուկայում ցեմենտի դեֆիցիտային երևույթներ կան». Փաշինյան

«Ինձ համար անակնկալ էր արձանագրել, բայց աշխատանքային կարգով ինձ զեկուցվել է, որ Հայաստանի շուկայում ցեմենտի որոշակի դեֆիցիտային երևույթներ կան. սա ի՞նչ է նշանակում, նշանակում է, որ ՀՀ-ում էն ծավալի շինարարություն կա, որ շուկայում դեֆիցիտ է առաջացել ու մեր տեղի արտադրողները չեն հասցնում շուկայում մատակարարել»,- ասաց վարչապետը՝ դիմելով Էկոնոմիկայի նախարարին. «Ցեմենտի ներմուծման տուրքի իջեցումն արդեն ուժի մե՞ջ է մտել»: Նախարարը նշեց՝ հոկտեմբերի 10-ից մտել է ուժի մեջ: «Լավ է, որ շատ մեծ ծավալների շինարարություն է տեղի ունենում, մյուս կողմից էլ լավ չէ, որ կարող է շինարարությունը դանդաղել»,- հավելեց Փաշինյանը: ՄՊՀ նախագահն ասաց, որ ուսումնասիրում են շուկան. մտահոգություն կա, որ դեֆիցիտը կարող է լինել արհեստական պատճառներով: