«Հայաստանի բանկերում կուտակվել է շատ մեծ գումար․ ի՞նչ են անելու էդ գումարների հետ»․ Ա․ Մղդեսյան

«Մեդիա կենտրոն» ծրագրի խմբագիր-համակարգող Արշալույս Մղդեսյանը գրում է. «ՀՀ առևտրային բանկերը, ըստ Modex-ի հաշվարկների, 2022թ-ի հունվար-սեպտեմբեր ամիսներին արձանագրել են շուրջ 500 մլն դոլարի (188 մլրդ դրամի) զուտ շահույթ: Սա շուրջ 3 անգամ ավել է, քան նախորդ տարվա նույն ժամանակահատվածում։
Հայաստանի բանկերում կուտակվել է շատ մեծ գումար, շահույթ տվյալ դեպքում՝ հիմնականում տրանզակցիոն գործարքներից։ Մինչև տարեվերջ էդ գումարի ծավալը կարող է գերազանցել 600-700 մլն դոլարը։
Հիմա հարց՝ ի՞նչ են անելու բանկերն էս գումարների հետ։ Ներդնելո՞ւ են տնտեսության մեջ, պետական պարտքի՞ մեջ, ներդնելո՞ւ են իրենց զարգացման մեջ՝ բազմազանեցնելով իրենց պրոդուկտներն ու բարձրացնելով ծառայությունների որակը, թե՞ որոշելու են որքան հնարավոր է փող աշխատել, քանի Ռուսաստանից Հայաստան դրամական մեծ հոսքեր կան»։