Իսպանիան սպառնացել է Իրանին

Եվրոմիությունը նոր պատժամիջոցներ կսահմանի Իրանի դեմ, եթե նա չդադարեցնի ռեպրեսիաներն ու բողոքի ցույցերի ճնշումը։ Այս մասին հայտարարել է Իսպանիայի արտգործնախարար Խոսե Մանուել Ալբարեսը, գրում են արտասահմանյան լրատվամիջոցները։

«Իրանում խաղաղ ցույցերին մասնակցած կանանց և տղամարդկանց նկատմամբ կիրառված բռնությունը բոլորովին անհամաչափ էր: Այս իրավիճակի պատճառով մենք ընդունեցինք Իրանի դեմ պատժամիջոցների առաջին փաթեթը: Եթե նրա (վարքագիծը-խմբ.) չփոխվի, մենք կշարունակենք կիրառել պատժամիջոցներ»,- ընդգծել է բարձրաստիճան դիվանագետը։