Կիրակի, 16 օգոստոսի, 2026 թ.
|
Ստեփանակերտում`   +21 °C

«Կարող էինք կառուցել և կառավարել հզոր տնտեսություն, որը պետության ողնաշարն է». Կարեն Ադոնց

«Կարող էինք կառուցել և կառավարել հզոր տնտեսություն, որը պետության ողնաշարն է». Կարեն Ադոնց
334
Չորեքշաբթի, 26 հոկտեմբերի, 2022 թ., 00:24

Տնտեսագետ Կարեն Ադոնցը գրում է. ««ԴԱՆԴԱՂ ՈՒ ԶԳՈՒՅՇ» ԱՇԽԱՏՈՂ, «7 ՉԱՓՈՂ, ՄԵԿ ԿՏՐՈՂ» ԿԱՌԱՎԱՐՈՒԹՅՈՒՆԸ
Մեր մարտահրավերների պայմաններում, «տնտեսական հեղափոխությունը» կողքի դրած կառավարությունը, «դանդաղ ու զգույշ» կարող է աշխատել երկու դեպքում՝
1. Կամ գիտի՝ ինչ և ինչպես պետք է անել, բայց չի անում (դանդաղ ու զգույշ է անում),
2. Կամ չգիտի՝ ինչ և ինչպես է պետք անել ու չի անում (դանդաղ ու զգույշ է անում)։
Մաքսային սահմանին, հումքի և մեքենասարքավորումների ներմուծումը՝ ԱԱՀ-ով չհարկելու անհրաժեշտության մասին, խոսվել է 10 տարուց ավելի։ Հասարակ հարց էր՝ բոլոր առումներով հիմնավորված։ Մնացած անհրաժեշտ 10 քայլերը, որոնց մասին էլի խոսվել է և որոնք հիմա զուգահեռ պետք է իրագործվեին, 10 անգամ առավել բարդ են։ Հետևաբար, դրանց իրագործման համար, նույն տեմպերով աշխատելու դեպքում, կծախսենք մոտ 100 տարի։
Հ. Գ.
Մտահոգում է մի բան՝ հնարավոր է մինչև վերջ այդպես էլ չիմանանք, որ կարող էինք կառուցել և կառավարել հզոր տնտեսություն, որը պետության ողնաշարն է։
Հետո պարտադրված ենք լինելու աշխատել «շատ արագ», բայց անելու բան քիչ է լինելու։ Սա էլ հաջորդ փուլն է»:

Աղբյուրը`   Կարեն Ադոնց

Կարդացե՛ք նաև