«Ստացվում է, որ ռուսները եկել են Հայաստան, որովհետև Հայաստանում օլիգարխ էլ չկա». Արթուր Խաչատրյան

ԱԺ «Հայաստան» խմբակցության պատգամավոր Արթուր Խաչատրյանի գրառումը. «Նույնիսկ պետական բյուջեի նախագծում է ֆին․ նախն ընդունում, որ տնտեսական «աճը» պայմանավորված է ռուս «ռե-լոկանտներով» (հայերեն ճիշտ համարժեքը չեմ կարողանում գտնել)։ փաշինյանը, սակայն, հայտարարում է, որ տնտեսական հաջողությունները պայմանավորված է «օլիգարխիայի վերացմամբ և համակարգային կոռուպցիայի հաղթահարմամբ»։ Ստացվում է, որ ռուսները եկել են Հայաստան, որովհետև Հայաստանում օլիգարխ էլ չկա․․․․ Հաաա, երևի օլիգարխների առկայությունը ռուսներին իրոք շատ էր մտահոգում։ Եթե օլիգարխներ լինեին, հաստատ չէին գա, կգնային Բելգիա կամ Բելիզ։ Հա, չմոռանամ հարցնել․ «բա էն հին օլիգարխներն ի՞նչ եղան»»։