«Գյուղացիների կյանքում շատ բան չի փոխվել այս ծրագրից․ պարտքերը շատացել են»․ Վահան Քերոբյան

«2023 թվականից դադարեցվելու է գյուղատնտեսության ոլորտին տրամադրվող 3-15 մլն դրամանոց վարկային ծրագիրը՝ նպատակ ունենալով ֆինանսական միջոցներն ուղղել գյուղատնտեսության արտադրողականության բարձրացման կոնկրետ ուղղություններով ծրագրերի իրականացմանը։ Ամբողջ ծրագրի շրջանակում աջակցություն էր ստացել մոտ 88․100 վարկառու։ Բավական լուրջ ուսումնասիրություն ենք արել գործընկեր բանկերի հետ, որպեսզի հասկանանք՝ ինչպես է փոխվել մարդկանց կենսամակարդակն այն տարիներին, երբ օգտվել են այս ծրագրից․ ընդհանուր առմամբ շատ բան չի փոխվել մարդկանց կյանքում, այս ծրագիրը, ըստ էության, օգնում է գյուղատնտեսությամբ զբաղվողներին էժան ֆինանսական ռեսուրսներ ստանալ, բայց ընդհանուր առմամբ ասել, որ դա լուրջ ազդեցություն է ունեցել գյուղացիական ընտանիքների կյանքի որակի վրա՝ չի կարելի, որովհետև եկամուտները շատացել են, բայց պարտքերն էլ են շատացել»,- ասել է ՀՀ Էկոնոմիկայի նախարար Վահան Քերոբյանը՝ 2023թ. պետական բյուջեի նախագծի քննարկման ժամանակ: