Կիրակի, 16 օգոստոսի, 2026 թ.
|
Ստեփանակերտում`   +20 °C

Չվճարված հարկերի գանձման և գույքի արգելանքի վերաբերյալ փաստաթղթերը ծանուցվում են էլեկտրոնային եղանակով. ՊԵԿ

Չվճարված հարկերի գանձման և գույքի արգելանքի վերաբերյալ փաստաթղթերը ծանուցվում են էլեկտրոնային եղանակով. ՊԵԿ
292
Ուրբաթ, 11 նոյեմբերի, 2022 թ., 10:48

Հարկային օրենսգրքում կատարված փոփոխությունների համաձայն, հոկտեմբերի 1-ից հարկ վճարողները, չվճարված հարկային պարտավորությունների գանձման և գույքի արգելանքի վարչական վարույթների շրջանակում պարտադիր ծանուցման ենթակա փաստաթղթերին (արձանագրություններ, արգելանքի հանձնարարագրեր, որոշումներ, ծանուցագրեր) համարվում են պատշաճ ծանուցված՝ Հաշվետվությունների ներկայացման էլեկտրոնային կառավարման համակարգի հարկ վճարողի անձնական էջում տեղադրելու օրվանից, որոնք ուժի մեջ են մտնում դրանց պատշաճ ծանուցվելու հաջորդ օրվանից:

ՊԵԿ-ից NEWS.am-ին հայտնում են, որ հոկտեմբերի 1-ից օրենսդրական փոփոխությունների արդյունքում կառավարման ավտոմատացված համակարգերի կիրառմամբ արդեն իսկ ուղարկվել է չվճարված հարկային պարտավորությունների գանձման և գույքի արգելանքի վարչական վարույթների շրջանակում պարտադիր ծանուցման ենթակա փաստաթղթերի շուրջ 27 հազար ծանուցում:

Կոմիտեն հորդորում է հարկ վճարողներին առավել հաճախ ստուգել Հաշվետվությունների ներկայացման էլեկտրոնային կառավարման համակարգի անձնական էջը և ծանոթանալ ստացված փաստաթղթերին, ինչը հնարավորություն կտա օրենքով սահմանված կարգով և ժամկետներում տեղեկանալ ու իրացնել հարուցված վարչական վարույթում լսված լինելու իրավունքը, ինչպես նաև ներկայացնել գրավոր բացատրություններ և առարկություններ:

Կարդացե՛ք նաև