«Երևանում բացվող խաղատները կլինեն այլ կարգի»․ Փաշինյան

«Ուզում եմ արտահայտել իմ ուրախությունը, որ 4 տարվա համառ ու երկարատև պայքարից հետո, կարողանում ենք խաղային ոլորտը կարգավորել»,- Կառավարության այսօրվա նիստում հայտարարեց ՀՀ վարչապետը՝ որոշումն անվանելով ազնիվ: «Բուքմեյքերներ և օն լայն կազինոներ. էդ ոլորտում ունենք 600 միլիոն դրամ տարեկան պետական տուրք, հիմա ի՞նչ ենք ասում, ասում ենք՝ ամեն 100 մլրդ դրամ խաղադրույքի համար պետք է լրացուցիչ 175 մլն դրամ տուրք վճարեք՝ գումարած էդ 600 միլիոնը»,- ասաց նա: «Արդեն ազդակներ ունենք, որ Երևանում 100 մլն և ավելի դոլար ներդրմամբ հյուրանոցներ են կառուցվում, որոնք նպատակադրում ունեն հետագայում կազինո բացելու, որը կլինի, էսպես ասած, այլ կարգի կազինո, որը սոցիալապես անապահով խավի խաղադրույքների վրա չի աչք դնի, բոլորովին այլ տրամաբանությամբ կաշխատի»,- հավելեց Փաշինյանը: