«Իրենք ասում են՝ Ղարաբաղից պետք է ձերբազատվենք, որպեսզի խաղաղ ապրենք». Անդրանիկ Թևանյան

«Պրահայում Նիկոլ Փաշինյանը համաձայնել է այն թեզի հետ, համաձայն որի՝ Ղարաբաղը պետք է ներառվի Ադրբեջանի կազմի մեջ: Այդ մասին բաց տեքստով հայտարարեց Ալիևը՝ Աստանայում, որևէ հակադարձում չստացավ, այդ մասին հայտարարեց Լավրովը»,- «Օրագիր» հաղորդաշարի եթերում ասել է ԱԺ ընդդիմադիր պատգամավոր Անդրանիկ Թևանյանը՝ հավելելով, որ իշխանությունները բավարարում են թուրք-ադրբեջանական նախապայմանները՝ այն հաշվարկով, որ «կկարողանան փրկել իրենց կաշին»: «Այս իշխանության գլխավոր հայեցակարգը հետևյալն է՝ պետք է ձերբազատվենք Ղարաբաղից, Ղարաբաղը հանձնենք Ադրբեջանին՝ հույս ունենալով, որ կլինի խաղաղություն: Իրենք չեն էլ ասում, որ դա հարյուր տոկոսանոց խաղաղություն է»,- նշել է պատգամավորը: