Հայ մասնավոր ներդրողների խումբը դատական հայց է ներկայացրել ընդդեմ Ադրբեջանի

Global Arbitration Review (GAR) պորտալը, որը մասնագիտացած է միջազգային դատական վեճերում, հայտնում է, որ հայ մասնավոր ներդրողների խումբը հայց է ներկայացրել ընդդեմ Ադրբեջանի։ Պահանջի առարկան փոքր հիդրոէլեկտրակայաններն են, որոնք ժամանակին կառուցվել են ներկայում Ադրբեջանի կողմից ժամանակավորապես ռազմակալված տարածքներում։
Ստացված տեղեկությունների համաձայն՝ այս ՀԷԿ-երում ներդրումներ կատարած հայ ներդրողները որպես փաստաթուղթ են վկայակոչում Միջազգային Էներգետիկ Խարտիայի պայմանագիրը, որը երաշխավորում է իրենց այդ օբյեկտների սեփականության իրավունքը։ Նրանք հարյուր միլիոնավոր դոլարների պահանջներ են ներկայացնում Ադրբեջանի դեմ։ Ղարաբաղյան երկրորդ պատերազմից հետո սա առաջին դատն է ներդրողների և պետության միջև։ Հայցը ներկայացվել է 19 հայ ներդրողների անունից՝ Նյու Յորքում գործող հայտնի Willkie Farr & Gallagher իրավաբանական ընկերության աջակցությամբ։ Ադրբեջանից փոխհատուցում հայցող հայ ներդրողների իրավախորհրդատուների խումբը ներառում է Երևանում գործող «Դավիթ ընդ Փարթներս» իրավաբանական ընկերությունը՝ արդարադատության նախկին նախարար Դավիթ Հարությունյանի գլխավորությամբ և անկախ փաստաբան Նորայր Բաբաջանյանը։ Հակառակ կողմին (Ադրբեջանին) «մտածելու» համար տրվում է 3 ամիս, որից հետո հայցը կներկայացվի միջազգային արբիտրաժին։
Ամերիկյան ընկերության տարածած մամուլի հաղորդագրությունում ասվում է, որ հայցը կապված է 2020 թվականի աշնանը Ադրբեջանին վերադարձված տարածքներում մնացած 18 փոքր ՀԷԿ-երում ներդրումների հետ։ Նշվում է, որ այս հիդրոէլեկտրակայանները գտնվում են Քարվաճառի, Բերձորի և Մարտակերտի շրջաններում։
Global Arbitration Review-ն նշում է, որ նշված ՀԷԿ-երը ներկայումս գտնվում են Azerenerji-ի հաշվեկշռում։

«Այո, 4 հոգանոց ընտանիքի մեկ օրվա սննդի վրա մոտ 15 հազար է ծախսվում». Կարեն Վրթանեսյան
42619.11.2026, 20:54
«Գազի գնի 10%-ով թանկացումը բերելու է 0,6% գնաճ»․ Մարտին Գալստյան (տեսանյութ)
40919.11.2026, 16:42
Կալասը հայտարարել է Ռուսաստանի դեմ պատժամիջոցների 22-րդ փաթեթի մասին
195916.11.2026, 22:49
Օդեսայում՝ Mercedes-Benz-ի ավտովաճառքի սրահում հրդեհ է բռնկվել
146415.11.2026, 19:19
Խաղողագործներին փող չեն տալիս․ «Հրապարակ»
80914.11.2026, 09:18
Եվրոպական երկրները պատրաստակամություն են հայտնել աջակցել Հայաստանի առևտրի և էներգետիկ ոլորտների դիվերսիֆիկացմանը
185213.11.2026, 11:18
«Անհուսալի վարկառուների խնդիրը լուծելու համար արդյունավետ կլինի երկաստիճան համակարգված մոտեցումը»․ Հրայր Կամենդատյան
82012.11.2026, 16:00
Ուկրաինական հարվածները փլուզել են Ռուսաստանի նավթավերամշակումը. Reuters
219910.11.2026, 19:37