ԵԱՏՄ ղեկավարները 15 փաստաթուղթ են ստորագրել

850

Ուրբաթ, 09 դեկտեմբերի, 2022 թ., 15:12

Եվրասիական տնտեսական միության երկրների ղեկավարները Բիշքեկում կայացած գագաթնաժողովի արդյունքներով ստորագրել են 15 փաստաթուղթ, հայտնում է РИА Новости-ն: Դրանք վերաբերում են Եվրասիական տնտեսական միության մարմիններում նախագահությանը, Եվրասիական բարձրագույն տնտեսական խորհրդի հերթական նիստի ժամանակացույցին և վայրին, ԱՄԷ-ի հետ հետ ազատ առևտրի համաձայնագրի կնքման շուրջ բանակցություններ սկսելուն, էներգետիկ ոլորտում Եվրասիական տնտեսական միության անդամ պետությունների լիազոր մարմինների ղեկավարների խորհրդին, միության մարմիններում արտաքին աուդիտի կանոնակարգում փոփոխություններ կատարելուն, ինչպես նաև արդյունաբերական համագործակցության նախագծերի ֆինանսավորման աղբյուրներին և մեխանիզմներին: