«Ադրբեջանի ախորժակն օրեցօր ավելի ու ավելի է մեծանում». Վահե Հակոբյան

Ստեփանակերտում տեղի է ունենում «Լույս թունելի վերջում» հարթակի երրորդ քննարկումը՝ «Դեկտեմբերի 10. կամքի, կյանքի, հաղթանակի խորհուրդ» խորագրի ներքո:

«Ադրբեջանի ախորժակն օրեցօր ավելի ու ավելի աճում է: Գեոպոլիտիկ մի շարք գործընթացներից ելնելով՝ մեծանում է Բաքվի դերը թե՛ Մոսկվայի, թե՛ Արևմուտքի համար: ՀՀ իշխանությունն անդադար նոր զիջումների է գնում՝ շարունակելով իջեցնել նշաձողը: Արցախի ժողովրդի ինքնորոշման իրավունքի հարցն ընդհանրապես արդեն չի քննարկվում, կարգավիճակի հարցը չի բարձրաձայնվում»,- քննարկման ժամանակ ասել է Վահե Հակոբյանը, ով, ինչպես հայտնել էինք, վայր է դրել մանդատը: Նրա խոսքով՝ հասել ենք նրան, որ ադրբեջանցի, այսպես կոչված, բնապահպանների կողմից մի քանի ժամով փակվում է Արցախը ՀՀ-ին կապող միակ ճանապարհը: «Ու այս ամենի ֆոնին ՀՀ խայտառակ կառավարությունը շարունակում է հպարտորեն խոսել խաղաղության օրակարգի մասին»,- հավելել է նա: