«Պետք է լինել սառնասիրտ»․ Անդրանիկ Քոչարյան

Այսօր խորհրդարանական ճեպազրույցի ընթացքում ՔՊ-ական Անդրանիկ Քոչարյանը, անդրադառնալով «բնապահպանական» խնդիրների պատրվակով Բերձորի միջանցքը փակելու ադրբեջանցիների փորձերին, նշել է․ «Ադրբեջանի իշխանություններն իրականացնում են լավ պլանավորված պրովոկացիոն գործողություններ, ես կարծում եմ՝ պետք ա լինել սառնասիրտ, իրենց ցանկություններն իրենց ցանկություններն են, մեր նպատակները մնում են նույնը, այնպես որ Կաշենի առիթը կլինի, հետո մեկ այլ առիթ կլինի․․․ Ադրբեջանը պետք է մի բան իմանա․ նման քայլերով ինքը ստիպում է, որպեսզի Արցախը և Հայաստանը իրենց անվտանգային միջավայրը շատ ավելի գերակա դարձնեն»։

Հարցին՝ ինչպե՞ս են ադրբեջանցիները հասել այդ տարածք, պատգամավորն արձագանքել է․ «Ես կարծում եմ, որ այստեղ փոխհամաձայնեցված գործողություններ են տեղի ունեցել, և դա շատ ճիշտ է, ես հիմա չեմ կարող ասել ում միջև, բայց դա փաստ է»։