«Երևանը պետք է անկեղծ քայլեր ձեռնարկի Անկարայի հետ երկխոսության հարցում». Չավուշօղլու

Թուրքիայի արտգործնախարար Մևլութ Չավուշօղլուն Երևանին հորդորել է որքան հնարավոր է շուտ խաղաղության պայմանագիր կնքել Ադրբեջանի հետ, գրում է РИА Новости-ն:

«Թուրքիայի և Հայաստանի հատուկ ներկայացուցիչները շարունակում են երկխոսությունը երկկողմ հարաբերությունների կարգավորման շուրջ: Կողմերը նախկինում համակարգված քայլեր են ձեռնարկել օդային տարածքը բացելու ուղղությամբ: Թուրքիան մի շարք որոշումներ է ընդունել օդային փոխադրումների ոլորտում, որոնք ուղղված են վստահության բարձրացմանը: Կարծում եմ՝ Երևանը նույնպես պետք է անկեղծ քայլեր ձեռնարկի Անկարայի հետ երկխոսության հարցում»,- ասել է այդ երկրի պաշտոնյան: