Երկուշաբթի, 20 ապրիլի, 2026 թ.
|
Ստեփանակերտում`   +8 °C

Պուտինը Բելառուսին մեքենաշինության զարգացման համար 105 միլիարդ ռուբլի կհատկացնի

Պուտինը Բելառուսին մեքենաշինության զարգացման համար 105 միլիարդ ռուբլի կհատկացնի
918
Երկուշաբթի, 19 դեկտեմբերի, 2022 թ., 23:30

Ռուսաստանը լրացուցիչ 105 միլիարդ ռուբլի է հատկացրել Բելառուսում մեքենաշինության զարգացման համար։ Բացի այդ, միջոցները պետք է ուղղվեն Մոսկվայի և Մինսկի համատեղ նախագծերի ֆինանսավորմանը հաստոցաշինության և էլեկտրոնիկայի ոլորտներում:

«Ռուսաստանը լրացուցիչ 105 միլիարդ ռուբլի է հատկացրել մեր բելառուս գործընկերներին՝ մեքենաշինության, հաստոցաշինության և էլեկտրոնիկայի ոլորտում խոստումնալից, ներմուծմանը փոխարինող համատեղ նախագծերը ֆինանսավորելու համար»,- ասել է Պուտինը ռուս-բելառուսական բանակցություններից հետո կայացած մամուլի ասուլիսի ժամանակ։

Նրա խոսքով, տնտեսության վերոնշյալ ոլորտներում համատեղ նախագծերը պետք է օգնեն երկու երկրներին լրացնել իրենց ներքին շուկաները Մոսկվայի և Մինսկի դեմ միջազգային պատժամիջոցների պատճառով մի շարք արտասահմանյան արտադրողների հեռանալուց հետո:

Դեկտեմբերի 19-ին ՌԴ նախագահ Վլադիմիր Պուտինը հայտարարեց, որ Բելառուսի հետ ինտեգրման իր պլանների 60%-ը կատարվել է։ Նրա խոսքով, Մոսկվան և Մինսկը մինչ այժմ իրականացրել են մոտ 600-ը 1000 համապատասխան «միջոցառումներից»՝ երկու երկրների տնտեսությունները մերձեցնելու համար։