Կիրակի, 16 օգոստոսի, 2026 թ.
|
Ստեփանակերտում`   +19 °C

«Ասկերանում շաքարավազի, բանջարեղենի խնդիր ունենք. ձավարեղեն չկա». վարչակազմի ղեկավար

«Ասկերանում շաքարավազի, բանջարեղենի խնդիր ունենք. ձավարեղեն չկա». վարչակազմի ղեկավար
306
Երեքշաբթի, 27 դեկտեմբերի, 2022 թ., 12:42

Ասկերանի շրջանի գյուղերում, որտեղ զբաղվում են գյուղատնտեսությամբ, ներկայում բավարար բանջարեղեն ու մրգեր ունեն, սակայն շրջկենտրոնում դրանց պակասն արդեն զգացվում է: Այս մասին «Արցախպրես»-ի թղթակցի հետ զրույցում տեղեկացրել է Ասկերանի շրջվարչակազմի ղեկավար Համլետ Ապրեսյանը՝ անդրադառնալով Ստեփանակերտ-Գորիս միջպետական ճանապարհի արդեն 16 օր փակ լինելու հետևանքով շրջանում տիրող իրավիճակին:
«Ասկերանում շաքարավազի, բանջարեղենի և մրգերի խնդիր ունենք: Ձավարեղեն չկա: Սպառման եզրին են ծխախոտն ու հիգիենայի պարագաները: Առկա ապրանքատեսակները շարունակվում են վաճառվել նախկին գներով։ Խանութներն այս պահին դեռ մի կերպ բավարարում են պահանջները, բայց այսպես տևական շարունակվելու դեպքում իրավիճակը կբարդանա»,- ասել է շրջվարչակազմի ղեկավարը՝ հավելելով, որ ասկերանցիները հոժարակամ են ընդունել խնայողության ռեժիմի անցնելու գաղափարը:

Կարդացե՛ք նաև