Շաբաթ, 28 հունվարի, 2023 թ.
|
Ստեփանակերտում`   0 °C

«Մեր տնտեսական իրավիճակը նմանեցնում եմ առանց առագաստ նավակի»․ Սուրեն Պարսյան

«Մեր տնտեսական իրավիճակը նմանեցնում եմ առանց առագաստ նավակի»․ Սուրեն Պարսյան
263
Կիրակի, 01 հունվարի, 2023 թ., 04:06

Տնտեսագետ Սուրեն Պարսյանը Factor TV-ին տված հարցազրույցում ամփոփելով տնտեսական տարին՝ բարձր աճի, ակտիվության ցուցանիշներից է խոսել․ «Այս աճն ինչպես մի քանի ամսվա ընթացքում գրանցվեց, այնպես էլ կարող է կտրուկ անհետանալ։ Աճից օգտվել է մեր հասարակության շատ փոքր հատվածը, բայց դա մեր ժողովրդի կենսամակարդակի, սոցիալական խնդիրների վրա էական ազդեցություն չի թողել»։

Տնտեսագետի փոխանցմամբ՝ Կառավարության գործողությունները և տնտեսական աճն իրար հետ կապված չեն․ «Ես մեր տնտեսական իրավիճակը նմանեցնում եմ առանց առագաստի նավակի, որը քամու կամ ալիքի հետ այս կամ այն ուղղությամբ է գնում։ Այսինքն՝ չունենք ինչ-որ կարգավորման կամ վերահսկման մեխանիզմներ։ Փողը գալիս է՝ մենք առաջ ենք գնում, հենց փողը չգա՝ մենք հետ կգնանք։ Կառավարությունն էլ օգտվում է սրանից, որոշակի փող է կուտակում, մտածում է նաև հաջորդ տարվա մասին»,- ընդգծել է Պարսյանը։

«Մեր տնտեսական իրավիճակը նմանեցնում եմ առանց առագաստ նավակի»․ Սուրեն Պարսյան