Կիրակի, 16 օգոստոսի, 2026 թ.
|
Ստեփանակերտում`   +19 °C

«Կարդում ես ու մտածում՝ և՞...». Հակոբ Բադալյան

«Կարդում ես ու մտածում՝ և՞...». Հակոբ Բադալյան
373
Երկուշաբթի, 09 հունվարի, 2023 թ., 17:12

Քաղաքական մեկնաբան Հակոբ Բադալյանի ֆեյսբուքյան գրառումը. «Հայաստանում գովազդի տեսակ է՝ այսինչ ընկերությունը վճարել է այսքան հարկ: Կարդում ես ու մտածում, և՞: Հարկ վճարելը բիզնեսի պարտականությունն է, և «այդինչ» ընկերությունը կատարել է իր պարտականությունը: Դա լրահոսում տեղ գտնելու ի՞նչ «ապրանք» է:
Այլ հարց, եթե լիներ լրագրողական հետաքննություն, որը պարզած կլիներ, որ տվյալ ընկերությունը իրականում ունեցել է ավելի մեծ հարկային պարտավորություն, բայց թերացել է: Այդ դեպքում հասկանալի կլիներ, որ իքս ընկերությունն իր վճարած հարկերով հայտնվել է լրահոսում:
Այլապես, իքսը վճարել է ասենք 5 միլիարդ հարկ և տուրք: Հասկացանք, հետո՞: Պարտավոր է՝ վճարել է, արձա՞ն կանգնեցնենք դրա համար: Ինչո՞վ է նա ավելի ինչ որ բան արել, որ իր վճարած հարկերի թվով հայտնվել է լրահոսում, ի տարբերություն ասենք անհատ ձեռնարկատեր մի դերձակի կամ փոքր մի գրասենյակի, որոնք նույն պարտաճանաչությամբ, բայց վճարում են շատ ավելի համեստ ծավալի հարկ»:

Աղբյուրը`   Հակոբ Բադալյան

Կարդացե՛ք նաև