Վաղը «Համախմբում» շարժումը անց է կացնելու բողոքի գործողություն

«Համախմբում» շարժումը հայտարարում է. «Սիրելի՛ հայրենակիցներ,
Հունվարի 19-ին Գեղարքունիքի մարզում ոչ մարտական պայմաններում 15 ժամկետային զինծառայողների կյանքը խլած ողբերգությունը ՀՀ իշխանությունների կողմից Զինված ուժերի կառավարման հերթական հանցավոր ձախողման արդյունքն է։ Մեր յուրաքանչյուր զինվորի կյանքը բարձրագույն արժեք է, և նրանց ողբերգական կորստի հիմնական պատասխանատուները ՀՀ վարչապետը և պաշտպանության նախարարն են, ովքեր չպետք է հերթական անգամ խուսափեն պատասխանատվությունից։
Հունվարի 23-ին, ժամը՝ 14:00-ին «Համախմբում» շարժումը ՀՀ կառավարության շենքի դիմաց անց է կացնելու բողոքի գործողություն։
Մի՛ եղեք անտարբեր,
Մի՛ սպասեք, մինչև ողբերգությունը ձեր տուն մտնի,
Միացե՛ք մեր բողոքին»: