«Մի գաղտնիք բացահայտեմ, եթե սուտ եմ ասում, թող Փաշինյանը ձայնագրությունը հրապարակի». Շարմազանով

168TV-ի եթերում ՀՀԿ ԳՄ անդամ Էդուարդ Շարմազանովն անդրադարձել է Հայաստանի կողմից 27 փրկարարների՝ երկրաշարժից տուժած Թուրքիա ուղարկելուն. «Եթե թուրքերի հետ պիտի ախպերություն անեիր, խաղաղություն քարոզեիր, էդ 5000 երեխեքին ինչո՞ւ տարար, վարի տվեցիր: Սրանց հետ էս ի՞նչ խաղեր ես տալիս: Կարեկցում է ուժեղը, էս թուլացած ֆուտբոլի ծակ գնդակի կարգավիճակում սա կարեկացանք չի՛ թուրքերին, սա դիշովի շողոքորթություն է: Ես մի գաղտնիք բացահայտեմ, եթե սուտ եմ ասում, թող Փաշինյանը ձայնագրությունը հրապարակի: 2020 թվականի հոկտեմբերի 19-ին արտախորհրդարանական ուժերի հետ հանդիպման ժամանակ, որին ՀՀԿ-ի անունից ես էի մասնակցում, Փաշինյանն ասել է, որ հայկական ուժերի պարտության գլխավոր պատճառը բայրաքթարներն են: Այդ բայրաքթարներն ո՞վ էր արտադրում… Թուրքիան: Բա, Նիկո՛լ, եթե դու ընդունում ես, որ թուրքական բայրաքթարներն են մեր երեխաներին սպանել, դրանից հետո էս ի՞նչ խաղեր ես տալիս»,- հայտարարել է նախկին պատգամավորը: