Նարեկ-Երևան երթուղին սպասարկող ավտոբուսի վարորդը վրաերթի է ենթարկել 11-ամյա տղայի

316

Հինգշաբթի, 23 փետրվարի, 2023 թ., 11:30

Փետրվարի 22-ին վրաերթ է տեղի ունեցել Արարատի մարզում։ Ժամը 13։00-ի սահմանում Արարատի մարզի բնակիչ 36-ամյա Էդգար Խ-ն իր վարած «ՎԱՍ» մակնիշի ավտոբուսով Դիմիտրով գյուղի կենտրոնական ճանապարհին վրաերթի է ենթարկել հետիոտն, Արարատի մարզի բնակիչ 11-ամյա Վ․ Պ-ին, գրում է ֆոտոլրագրող Գագիկ Շամշյանը։

Ըստ աղբյուրի՝ վարորդը փախուստի չի դիմել, օգնել է վրաերթի ենթարկված երեխային տեղափոխել «Արտաշատ» ԲԿ, որտեղից այնուհետև երեխային տեղափոխել են Երևանի «Սուրբ Աստվածամայր» բժշկական կենտրոն։

Աղբյուրը նաև հայտնում է, որ ավտոբուսը հաշվառված է «ԼԻԳԱ» ՍՊԸ հաշվեկշռում որպես Երևանից դեպի Նարեկ գյուղ՝ թիվ 466 երթուղին սպասարկող տրանսպորտային միջոց։