«TikTok-ը սպառնալիք է ԱՄՆ ազգային անվտանգության համար». Սպիտակ տուն

1049

Հինգշաբթի, 02 մարտի, 2023 թ., 10:54

Բայդենի վարչակազմը կարծում է՝ TikTok-ը սպառնալիք է ԱՄՆ ազգային անվտանգության համար, այս մասին ճեպազրույցի ժամանակ հայտարարել է Սպիտակ տան պաշտոնական ներկայացուցիչ Կարին Ժան-Պիեռը։

Պետական հատվածի աշխատակիցներին 30 օր է տրվել՝ TikTok-հավելվածը հեռախոսներից հեռացնելու համար. տեղի իշխանությունները մտավախություն ունեն, որ TikTok-ը՝ չինական ByteDance Limited-ի դուստր ձեռնարկությունը, ամերիկացի օգտատերերի տվյալները կտրամադրի Չինաստանի իշխանություններին։