«Այն դասատուները, որոնք երեխեքին գյուղերում տանում-նստեցնում են՝ Փաշինյանի հայտարարությունները լսելու, դառնալու են մեղսակից». Գեղամ Մանուկյան

ՀՀ ԱԺ ամբիոնից «Հայաստան» խմբակցության պատգամավոր Գեղամ Մանուկյանը դիմեց ուսուցիչներին. «Երեկ հերթական անգամ Արցախն ուրանալու ասուլիս էր: Մեր ժողովրդից գողանում են մեր հիշողությունը, Արարատ լեռը: Հիմա արդեն թշնամական հարձակումը գործում է ՀՀ դպրոցահասակ երեխաների դեմ և կաթիլ-կաթիլ ներարկում են, թե բա՝ Արարատն ինչ կապ ունի մեզ հետ: Սիրելի ուսուցիչներ, այսօր դուք գտնվում եք թշնամական հարձակման տակ: Վաղը դպրոցական դասագրքերից հանելու են շիրազներին ու սևակներին: Պատմության ուսուցիչներ, հիշեք, թշնամական հարձակում է այսօր գործում հայ ժողովրդի դեմ: Եվ այն դասատուները, որոնք խեղճ երեխեքին գլուխները կախած գյուղերում տանում-նստեցնում են Նիկոլ Փաշինյանի հայտարարությունները լսելու, դառնալու են մեղսակից: Սիրելի ուսուցիչներ, հանուն էդ երեխեքի ապագայի, մի պահ մտածեք, որ դուք շիրազներով ու սևակներով եք դաստիարակվել, և մի զրկեք մեր երեխաներին՝ նույնպիսի դաստիարակություն ստանալու»: