«Այս «խաղաղությունն» էլ ժամկետ ունի»․ Տիգրան Պետրոսյան

Արցախցի հասարակական գործիչ Տիգրան Պետրոսյանը ֆեյսբուքյան իր էջում գրում է. «Մինսկի խմբի համանախագահող երկրների պետական այրերը այցելում են Լեռնային Ղարաբաղ, մասնակցում տարբեր միջոցառումների, այն դեպքում, երբ երկար տարիներ հույս էին տալիս Արցախում ապրող ժողովրդին, իբր կոնֆլիկտը ուժային լուծում չունի…
Համոզված եմ, որ թե ԱՄՆ, թե Ռուսաստանը և թե նույն Ֆրանսիան, եվրոմիության հետ միասին, կարող էին զսպել, ստիպել Ադրբեջանին պատերազմ չսկսել, սակայն ինչ-ինչ պատճառներով չարեցին դա…
Այսօր դրանցից ոչ մեկը չի խոսում այն նույն ժողովրդի էթնիկ զտումից, միջազգային իրավունքներից, չի փորձում գոնե գույքի փոխհատուցման հարցը լուծել, որպեսզի այդ մարդիկ կարողանան ոտքի կանգնել…
Ուստի պետք չէ զարմանալ նրանց ԼՂՀ այցերից, այդպիսինն է ներկայիս մեծ քաղաքականությունը, ուղղակի պետք է հետևություն անել, որ այս «խաղաղությունն» էլ ժամկետ ունի…»։