«Պաշտոնական Երևանը, ինչպես միշտ, չի արձագանքում»․ Ալիսա Գևորգյան

Զոհված զինծառայողի մայր, լրագրող Ալիսա Գևորգյանի ֆեյսբուքյան գրառումը․ «Խաչվերացի նախօրեին ադրբեջանցի պաշտոնյաներն ու եվրոպացի դիվանագետները ծաղրում ու կեղծում էին հայկական խաչը՝ Գանձասարում, Շուշիում ու Դադիվանքում: Պաշտոնական Երևանը, ինչպես միշտ, չի արձագանքում, որովհետև, եթե արձագանքի, պատերազմ կլինի, կամ էլ՝ համաձայն է: Գոհ լինենք, որ Հայ եկեղեցու բարեփոխիչը դեռ չի հաստատել, որ Գանձասարն, իրոք, աղվանական է, Դադիվանքը՝ ուդիական: Կամ էլ չի հայտարարել՝ մեզ պետք ե՞ն էդ Դադիվանքն ու Գանձասարը:
Դադիվանքի ու Գանձասարի երկարամյա հոգևոր հովիվ Տեր Հովհաննեսը Եռաբլուրի Սրբոց Վարդանանց Նահատակաց եկեղեցում մատուցաց Սուրբ պատարագն այսօր ամփոփեց Դադիվանքից բերված Խաչով՝ որպես միակ պատասխան բոլոր կեղծիքների ու պղծությունների»։