Ուրբաթ, 29 մարտի, 2024 թ.
|
Ստեփանակերտում`   +10 °C

«Էնքան անբաշար եք, որ չեք կարողանում անգամ մեր պարտության թիվ մեկ մեղավոր Նիկոլ Փաշինյանին հեռացնել իշխանությունից». Թաթուլ Հակոբյան

«Էնքան անբաշար եք, որ չեք կարողանում անգամ մեր պարտության թիվ մեկ մեղավոր Նիկոլ Փաշինյանին հեռացնել իշխանությունից». Թաթուլ Հակոբյան
322
Հինգշաբթի, 01 հունիսի, 2023 թ., 23:36

Լրագրող Թաթուլ Հակոբյանի ֆեյսբուքյան գրառումը. «Ապշելու բան է:
Ուրեմն, նրանք և նրանց խոսնակները, ովքեր 1997-1998 թթ. զավթեցին իշխանությունը՝ իրականացնելով ռազմապետական հեղաշրջում՝ շրջելով մեր պատմության ընթացքը, նրանք, ովքեր ձեռքի տակ ունեին 4,4 հազար քառ կմ տարածքով հաղթանակած Արցախ և ավելի քան 7000 քառակուսի կմ տարածք նախկին ԼՂԻՄ-ի շուրջ, չկարողացան հասնել նրան, որ Արցախը ինքնորոշվի:
Ասում էին՝ Արցախի կարգավիճակը՝ «ինքնավարությունից բարձր, անկախությունից ցածր», «դե յուրե ոչ Ադրբեջանի կազմում, դե ֆակտո անկախ» և նման երես փրկելու ֆրազներ, այսօր, երբ մենք պարտվել ենք պատերազմում, Արցախի համար անկախություն են պահանջում՝ Շուշիով ու Հադրութով:
Հերիք է այսքան արյուն տված մեր ժողովրդին ծաղրեք:
Դուք էնքան անբաշար եք ու ապաշնորհ, որ չեք կարողանում անգամ պատերազմում պարտված և մեր պարտության թիվ մեկ մեղավոր ու պատասխանատու Նիկոլ Փաշինյանին հեռացնել իշխանությունից, ունենալով ձեր սիրելի Պուտինին ձեր կողքին, ունենալով 5 հեռուստաընկերություն ու 15 լրատվամիջոց, ունենալով մեր պետության բյուջեի չափ փող:
Դուք անգամ չեք կարողանում 10 հազար մարդ դուրս բերել փողոց»: