«Իշխանության համար իրավիճակը պատային է». Վահան Բաբայան

Ռեֆորմիստների կուսակցության նախագահ Վահան Բաբայանը ֆեյսբուքյան իր էջում գրել է. «Այսպես կոչված խաղաղության օրակարգը թելադրում է մի վիճակ, որտեղ եթե իշխող ռեժիմը կատարում է Ադրբեջանի պահանջը և գնում է այն զիջումներին, որը պահանջում են, ապա կանխատեսվում է, որ նրանք մեկ օր հետո էլ չեն լինի իշխանություն:
Իշխանությունը կամ իշխանություն ունենալը նրանց կարմիր գիծն է, նրանք դա բնականաբար չեն ուզում անել:
Եթե չգնան զիջումների, մեզանից ուժով են փորձելու վերցնել այն, ինչը ուզում են, նման դեպքում ևս կանխատեսվում է, որ իշխանությունը կրկին չի կարողանա պահել իր աթոռները: Կստեղծվի մի վիճակ, երբ հավանական կլինի իշխանափոխությունը:
Հետևաբար, ոնց նայում ես, ահավոր բարդ վիճակում է հայտնվել կապիտուլյանտների վարչախումբը՝ պատային իրավիճակում, և միակ տրամաբանական լուծումը կլինի արդեն անկախ իրենց ցանկությունից իհարկե իրենց հեռանալը:
Դժվար է ասել՝ ինչ կլինի, բայց «թավշյա իշխանության» վիճակը գնալով բարդանալու է»: