Երկուշաբթի, 20 ապրիլի, 2026 թ.
|
Ստեփանակերտում`   +10 °C

«Երևանի գործողությունները հակասում են խոսքերին». Բուլղարիայի ԱԺ նախագահը Բաքվում քննադատում է Հայաստանին

«Երևանի գործողությունները հակասում են խոսքերին». Բուլղարիայի ԱԺ նախագահը Բաքվում քննադատում է Հայաստանին
426
Չորեքշաբթի, 13 սեպտեմբերի, 2023 թ., 01:06

Բուլղարիայի Ազգային ժողովի նախագահ Ռոսեն Ժելյազկովը մտահոգություն է հայտնել Արցախում անցկացված նախագահական ընտրությունների կապակցությամբ։ «Այս ընտրությունները չեն համապատասխանում Ադրբեջանի տարածքային ամբողջականության ճանաչման մասին Հայաստանի ղեկավարության հայտարարություններին»,- հայտարարել է Ժելյազկովը Ադրբեջանի Միլի Մեջլիսի նախագահ Սահիբա Գաֆարովայի հետ հանդիպման ժամանակ։
«Ժելյազկովն ընդգծել է 1945 թվականից հետո ստեղծված տարածքային ամբողջականության սկզբունքի կարևորությունը և մատնանշել հնարավոր հակամարտությունները, որոնք կարող են առաջանալ դրա խախտման պատճառով։

Նա ասել է. «Ստեղծված իրավիճակը պահանջում է ոչ միայն հայտարարություններ հնչեցնել, այլ ստորագրել համաձայնագիր, որը կապահովի երկարաժամկետ խաղաղություն։ Գործողությունները պետք է համապատասխանեն արված հայտարարություններին»։

Վերջում նա հաստատել է Բուլղարիայի աջակցությունը Ադրբեջանի խաղաղության ծրագրին և հույս հայտնել, որ միջնորդների մասնակցությամբ բանակցությունների արդյունքում շուտով կստորագրվի խաղաղության պայմանագիր»,- գրում են ադրբեջանական լրատվականները։