Փաշինյանն ու կինը կեսգիշերին գնացել են ՔՊ շտաբ․ «Հրապարակ»

«Հրապարակ»-ը գրում է. «ՔՊ-ում շատ ծանր են տարել ընտրությունների արդյունքները՝ համարժեք են համարել պարտության: Ընտրությունների արդյունքներն իմանալուց հետո Փաշինյանն ու կինը կեսգիշերին գնացել են ՔՊ-ի շտաբ և աշխատողներին մեղադրել վատ արդյունքների համար:
Բայց ամենածանր մեղադրանքները ՔՊ-ում այս օրերին ուղղվում են Տիգրան Ավինյանին, կարծում են, որ նրա պատճառով են թվերն այդքան ցածր, իսկ «ինչ էլ որ ստացել են՝ ՔՊ-ի ու Նիկոլի շնորհիվ է»:

Քննարկվել է նաև Հայկ Մարությանի հարցը, որոշել են, որ նրանից վտանգ չկա՝ նրա ավագանիներից մի քանիսին կհավաքագրեն, և Ավինյանը կընտրվի, բայց օրվա վերջում հայտնի դարձավ, որ դրա կարիքն էլ չկա՝ հակաիշխանական կոալիցիա չի ձևավորվում»: