«Դեռ այնքան գործ ունենք անելու՝ Հայոց աշխարհին և նրա մեծ առաքելությանն արժանի դառնալու համար». Տարոն Սիմոնյան

Իրավաբան, ԱԺ նախկին պատգամավոր Տարոն Սիմոնյանի գրառումը. «Սովորող մարդը միգուցե սկզբից չի գիտակցում, բայց ինտուիտիվ զգում է, որ իր կյանքի ամենամեծ ստեղծագործությունն ինքն է լինելու։
Իսկ երբ արդեն գիտակցում է, անասելի սիրով ձուլվում է հենց սովորելու իր գործին ու երբեք չի դադարում կատարելագործել իր ստեղծագործությունը։
Ուսանողներս գիտեմ իմ մեծ խնդրանքի մասին։
Դժվար էլ թե դադարեմ պատգամել բոլոր հաջորդ սերնդի ուսանողներիս, որ իրենցում սերմանեն ոչ միայն անհագ ծարավ գիտելիքի նկատմամբ, այլև դրա հիման վրա իրենցից կերտեն առաքինի անհատ՝ որպես մարդկության, ազգի, պետության, ընկերության, ընտանիքի հիմնասյուն ու արժեքային ուղենիշ, ով կարող կլինի ստեղծելու և երաշխավորելու ապագան։
․․․ Որովհետև մենք դեռ այնքան գործ ունենք անելու՝ Հայոց աշխարհին և նրա մեծ առաքելությանն արժանի դառնալու համար»։