«Ամոթ է, որ այսքանից հետո ՀԱՊԿ-ի հետ «նամակագրության» մեջ ենք»․ Կ․ Հեքիմյան

Պահպանողական կուսակցության նախագահ Կարեն Հեքիմյանի ֆեյսբուքյան գրառումը. «Սկզբից՝ 2021թ․, Հայաստանը ՀԱՊԿ-ից օգնություն խնդրեց վերջինիս կանոնադրության 2-րդ հոդվածով: ՀԱՊԿ-ից պատասխանեցին, որ հոդվածը սխալ է ընտրված, պետք էր դիմել 4-րդ հոդվածով:
Այնուհետև, Հայաստանը ՀԱՊԿ-ից օգնություն խնդրեց վերջինիս կանոնադրության 4-րդ հոդվածով: ՀԱՊԿ-ից պատասխանեցին, որ այդ հոդվածով Հայաստանի դիմումը կքննարկվի ... շուրջ 1 տարի անց՝ 2022թ․:
Այժմ ավարտվում է 2023թ․: Հայաստանի՝ ՀԱՊԿ-ից օգնություն խնդրելու պահից անցել է շուրջ 2.5 տարի:
Այսօր պարզվեց, որ «Հայաստանը ՀԱՊԿ-ին խնդրել է օրակարգից հանել երկրին օգնության մասին փաստաթուղթը»: Պատկերացնո՞ւմ եք՝ ԽՆԴՐԵԼ Է: ՀԱՊԿ-ի փոխարեն լինեի կմերժեի «խնդրանքը»: Թող ողջ կյանքը «խնդրելով» ապրեին:
Իսկ, եթե լուրջ, ապա ամոթ է, որ այսքանից հետո ՀԱՊԿ-ի հետ դեռ «նամակագրության» մեջ ենք»։