ԱՄՆ-ի Քոնգրեսը համաձայնության չի եկել Ուկրաինային տրվելիք օգնության հարցում և գնացել է արձակուրդ

Ներկայացուցիչների պալատի խոսնակ Մայք Ջոնսոնը չի պաշտպանել Սենատի դեմոկրատ առաջնորդ Չակ Շումերի առաջարկը՝ մեկ շաբաթով երկարաձգել ՝ոնգրեսի երկու պալատների աշխատանքը՝ մինչև Սուրբ Ծնունդ Ուկրաինային լրացուցիչ ֆինանսավորում տրամադրելու համար։ Այս մասին ճեպազրույցում հայտարարել է Սպիտակ տան խոսնակ Կարին Ժան Պիերը։

«Ինչպես երեկ լսեցիք նախագահից, Ամերիկայի ժողովուրդը երես չի թեքելու Ուկրաինայից և հանուն ազատության բռնակալության դեմ նրա պայքարից: Այնուամենայնիվ, խոսնակ Ջոնսոնն ասաց, որ Ներկայացուցիչների պալատը վաղը կավարտի իր աշխատանքը առանց սահմանային հարցերի շուրջ համաձայնության, առանց Իսրայելի ֆինանսավորմա, առանց Ուկրաինայի հրատապ կարիքների ֆինանսավորման»,- ասել է նա։