ԵՄ-ն Վրաստանին անդամակցության թեկնածուի կարգավիճակ կտրամադրի

ԵՄ երկրների ղեկավարները Բրյուսելի գագաթնաժողովում որոշել են Վրաստանին տալ թեկնածու երկրի կարգավիճակ, հայտարարել է Եվրոպական խորհրդի ղեկավար Շառլ Միշելը։

Նա հայտարարել է նաև Ուկրաինայի և Մոլդովայի հետ միությանը միանալու վերաբերյալ բանակցություններ կսելու որոշման մասին։ ԵՄ երկրների ղեկավարները սակայն համաձայնության չեն եկել Բոսնիա և Հերցեգովինայի հետ կապված նմանատիպ գործողությունների շուրջ։ Եվրոխորհրդի ղեկավարի խոսքերով, Բրյուսելը բանակցություններ կսկսի այս երկրի հետ, «հենց որ ձեռք բերվի անդամակցության չափանիշներին համապատասխանության անհրաժեշտ աստիճանը»։

Հունգարիայի վարչապետ Վիկտոր Օրբանն իր հերթին ասել է, որ Բուդապեշտը չի մասնակցել Կիևի վերաբերյալ որոշմանը և դեռևս այն համարում է ոչ տեղին քայլ։