«Նա չի տիրապետում իր մկաններին». Սելին Դիոնի առողջական վիճակը վատթարացել է
6928 Երեքշաբթի, 19 դեկտեմբերի, 2023 թ., 21:48 Կանադացի հայտնի երգչուհի Սելին Դիոնը հազվադեպ և ծանր հիվանդության պատճառով «կորցրել է մկանների կառավարումը»։ Այս մասին կանադական 7 Jours հրատարակությանը տված հարցազրույցում ասել է նրա քույրը՝ Քլոդետը։ 2022 թվականի դեկտեմբերին Սելին Դիոնը հայտնել էր, որ իր մոտ ախտորոշվել է հազվագյուտ նյարդաբանական հիվանդություն՝ Մերշ-Վոլտմանի համախտանիշ։ Այդ պատճառով նա ստիպված է եղել չեղարկել իր շրջագայությունը։ Երգչուհին խոստովանել է, որ մկանային սպազմերը ազդում են իր առօրյա կյանքի բոլոր ոլորտների վրա՝ անգամ՝ քայլելու և թույլ չեն տալիս օգտագործել ձայնալարերը: Արդյո՞ք նա կրկին կկարողանա երգել, կվերսկսի կարիերան և ինչ վիճակում կարող է վերադառնալ բեմ, մնում է հարցականի տակ։ Այժմ, ինչպես նշել է երգչուհու քույրը, Սելին Դիոնն իրականում կորցրել է վերահսկողությունը սեփական մկանների նկատմամբ։ «...Հիմա նա չի տիրապետում իր մկաններին... Ձայնալարերը մկաններ են, սիրտն էլ է մկան։ Քանի որ այս հիվանդությունը հանդիպում է միլիոն մարդուց մեկի մոտ, գիտնականները լայնածավալ հետազոտություններ չեն անցկացրել: Եվ այս հիվանդությունը բուժում չունի»,- ասում է Քլոդետը: Նրա խոսքով, Սելինն ու իր ողջ ընտանիքը երազում են, որ մի օր նա կարողանա վերադառնալ բեմ։ Նրա երկրպագուների աջակցությունն է օգնում երգչուհուն ապագայի հույսը պահպանել: Մերշ-Վոլտմանի համախտանիշը չափազանց հազվադեպ նյարդաբանական խանգարում է, որն ազդում է նյարդային համակարգի, մասնավորապես՝ ուղեղի և ողնուղեղի վրա: Հիվանդությունը բնութագրվում է ընդհանուր մկանային կոշտությամբ և ցավոտ սպազմերով, որոնք կարող են սրվել սթրեսի ժամանակ: Նման հիվանդությամբ հիվանդի համար դժվարանում է շարժվելն ու նույնիսկ ուտելը: |
«Եվրոտեսիլ 2024»-ի հաղթողը կոտրել է մրցանակը (տեսանյութ)
136212.05.2024, 13:30«Հուսանք՝ Հայաստանը վերջին անգամ մասնակցեց «Եվրոտեսիլ» կոչվող պղծության ցուցադրությանը»․ համացանցի արձագանքը (լուսանկար)
62212.05.2024, 12:18Հայտնի է «Եվրոտեսիլ-2024»-ի հաղթողը (լուսանկար, տեսանյութ)
65112.05.2024, 02:48Մեկնարկեց «Եվրոտեսիլ»-ի եզրափակիչը. ՈՒՂԻՂ ՄԻԱՑՈՒՄ (տեսանյութ)
66711.05.2024, 23:00Նիդերլանդների ներկայացուցիչը հեռացվել է «Եվրոտեսիլի» եզրափակչից
206211.05.2024, 17:48«Լադանիվան» անցավ եզրափակիչ (տեսանյութ)
57910.05.2024, 01:24«Եվրոտեսիլ 2024». երկրորդ կիսաեզրափակիչ փուլ. ՈՒՂԻՂ ՄԻԱՑՈՒՄ (տեսանյութ)
57309.05.2024, 23:12«Եվրոտեսիլ 2024». առաջին կիսաեզրափակիչ փուլ. ՈՒՂԻՂ ՄԻԱՑՈՒՄ (տեսանյութ)
86807.05.2024, 23:12