ՀԱՊԿ գլխավոր քարտուղարը վաղը կժամանի Երևան

Հավաքական անվտանգության պայմանագրի կազմակերպության գլխավոր քարտուղար Իմանգալի Տասմագամբետովը դեկտեմբերի 21-ին կայցելի Երևան, որտեղ կհանդիպի ՀՀ ԱԳ նախարար Արարատ Միրզոյանին՝ քննարկելու Մինսկում կայացած կազմակերպության գագաթնաժողովի արդյունքները, հաղորդում է ТАСС-ը՝ վկայակոչելով ՀԱՊԿ մամուլի ծառայությանը:

«Նախատեսվում է քննարկել 2023 թվականի նոյեմբերին Մինսկում կայացած ՀԱՊԿ արտաքին գործերի նախարարների խորհրդի, պաշտպանության նախարարների խորհրդի, անվտանգության խորհուրդների քարտուղարների կոմիտեի և Հավաքական անվտանգության խորհրդի նստաշրջանի համատեղ նիստի արդյունքները»,- ասվում է հաղորդագրության մեջ:

Հայաստանի ներկայացուցիչները չեն մասնակցել ՀԱՊԿ ԱԳՆԽ նիստին, որը տեղի է ունեցել նոյեմբերի 22-ին Մինսկում: