Ռոգոզինը կոչ է արել «միջանցք կտրել» Լիտվայի միջով

ՌԴ Դաշնային խորհրդի՝ պաշտպանության կոմիտեի անդամ Դմիտրի Ռոգոզինը կոչ է արել «միջանցք կտրել» դեպի Կալինինգրադի մարզ (Ռուսաստանից մարզը բաժանված է Բելառուսի և Լիտվայի տարածքներով):

«Ժամանակն է միջանցք կտրել դեպի Կալինինգրադի մարզ: Ռուսաստանից Ռուսաստան մեր քաղաքացիների ուղևորությունների համար վիզաներն ու օտարերկրյա իշխանությունների այլ թույլտվություններն անհանդուրժելի են»,- գրել է նա թելեգրամի իր ալիքում՝ մեկնաբանելով Լիտվայի իշխանությունների՝ երկրում ռուսալեզու դպրոցները փակելու առաջարկը:

Ավելի վաղ Լիտվայի կրթության, գիտության և սպորտի նախարար Գինտաուտաս Յակշտասը հայտնել էր, որ ռուսական դպրոցները փակելու օրինական ուղիներ է փնտրում:

«Մենք այժմ գնահատում և թիմի հետ քննարկում ենք, թե արդյոք կան ռուսալեզու ազգային փոքրամասնության դպրոցներից աստիճանաբար հրաժարվելու հնարավոր ուղիներ։ Մենք գնահատում ենք իրավական հիմքը»,- ասել էր նա: