«Էրդողանի և Պուտինի հանդիպումն օրակարգում է»․ Թուրքիայի նախագահի աշխատակազմ

Ռուսաստանի և Թուրքիայի նախագահներ Վլադիմիր Պուտինի և Ռեջեփ Թայիփ Էրդողանի հանդիպումը մշակվում է, մանրամասները համաձայնեցվում են դիվանագիտական ուղիներով, սակայն ամսաթվի և վայրի վերաբերյալ հստակություն դեռևս չկա, այս մասին РИА Новости-ին հայտնել են Թուրքիայի նախագահի աշխատակազմից:
Պուտինն ավելի վաղ հայտարարել էր, որ պատրաստվում է տարեսկզբին հանդիպել Էրդողանի հետ, մինչ այդ առաջնորդները չէին կարողացել հանդիպել՝ Թուրքիայի նախագահի ժամանակացույցի պատճառով: Էրդողանը ևս հայտարարել է, որ կհանդիպի Պուտինի հետ և կքննարկի հացահատկի գործարքի վերսկսումը: