«Ես արդեն մեծ եմ, բայց ուժ ու եռանդ ունեմ՝ աշխատելու». Պուտին

ՌԴ նախագահ Վլադիմիր Պուտինը հայտարարել է, որ իր մեջ ուժ է գտնում՝ հանուն Ռուսաստանի աշխատելու համար և սիրում է այն, ինչով զբաղվում է: Այս մասին նա ասել է Անադիրի բնակիչների հետ հանդիպման ժամանակ, գրում են ռուսական լրատվամիջոցները:
Շփման ընթացքում բազմազավակ ընտանիքի հայրը հարցրել է Վլադիմիր Պուտինին, թե ինչպե՞ս է նա կարողանում ղեկավարել նման մեծ երկիրը:

«Ես արդեն մեծ եմ, բայց ուժ ու եռանդ ունեմ աշխատելու համար, լուծելու երկրի առջև ծառացած խնդիրները: Ամեն օր առնվազն երկու ժամ սպորտով եմ զբաղվում, լողում եմ»,- ասել է Պուտինը:

Հանդիպման մեկ այլ մասնակից նախագահին հարցրել է, թե ո՞րն է նրա էներգիայի գաղտնիքը:

«Պետք է սիրել այն գործը, որով զբաղվում ես: Ես սիրում եմ»,- պատասխանել է Պուտինը: