«Լեհաստանում օտարերկրյա զորքերի տեղակայումը կբարձրացնի Եվրոպայում լարվածությունը». Զախարովա

Լեհաստանի տարածքում լրացուցիչ օտարերկրյա զորքեր տեղակայելու կոչերը պետք է դիտարկել որպես Եվրոպայում լարվածության մակարդակն էլ ավելի բարձրացնելու ձգտում: Այս մասին այսօր՝ հունվարի 17-ին, ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան:

Այսպես Զախարովան մեկնաբանել է Լեհաստանի ԱԳՆ հայտարարությունը՝ Լեհաստանի տարածքում Գերմանիայի զորքեր տեղակայելու պատրաստակամության մասին, որի նպատակն է ՆԱՏՕ-ի արևելյան թևի ուժեղացումը:

Զախարովան հիշեցրել է, որ Լեհաստանի տարածքում արդեն տեղակայված է մոտ 10 000 ամերիկացի զինվորական, այնտեղ է գտնվում նաև ՆԱՏՕ-ի բազմազգ մարտական խմբավորումը: