«Վրաստանը հույս ունի, որ Ադրբեջանն ու Հայաստանը մոտ ժամանակներս խաղաղության համաձայնագիր կստորագրեն». Ղարիբաշվիլի

Վրաստանը հույս ունի, որ Ադրբեջանն ու Հայաստանը մոտ ժամանակներս խաղաղության համաձայնագիր կստորագրեն: Այս մասին, «Սպուտնիկ-Գրուզիա»-ի հաղորդմամբ, հայտարարել է Վրաստանի վարչապետ Իրակլի Ղարիբաշվիլին:

«Ինձ հայտնի է Ադրբեջանի և Հայաստանի առաջնորդների դիրքորոշումը, որոնք մտադիր են կարգավորել երկկողմ հարաբերությունները։ Ես կարծում եմ, որ դա ճիշտ ճանապարհն է։ Վրաստանը շատ սերտ և գործընկերային հարաբերություններ ունի հարևան երկրների հետ, նրանք մեր եղբայրներն ու ընկերներն են։ Ուստի ես նրանց հաջողություն եմ մաղթում»,- ասել է Ղարիբաշվիլին: