ԱՄՆ-ը քննադատել է Օրբանին՝ ռուսամետ գործողությունների համար

Հունգարիայում ԱՄՆ դեսպան Դևիդ Փրեսմանը երկրի վարչապետ Վիկտոր Օրբանին անվանել է ռուսամետ առաջնորդ, որը վնասում է ՆԱՏՕ-ին, գրում է Financial Times-ը: «Օրբանի քաղաքականությունը հիմնված է հորինված հունգարաֆոբիայի և երևակայական զավթիչների մասին ֆանտաստիկայի վրա, ինչը ստիպում է նրան գործել՝ ի շահ Ռուսաստանի, և խաթարել ՆԱՏՕ-ի միասնությունը: Բացի այդ, Օրբանն ԱՄՆ ընտրություններում սատարում է Դոնալդ Թրամփին»,- ասել է Փրեսմանը:

«ԱՄՆ դեսպանի արտասովոր անկեղծ մեկնաբանությունները բացահայտում են ՆԱՏՕ-ի և ԵՄ երկրների հիասթափությունը՝ կապված Ուկրաինային ԵՄ-ի հետագա օգնությունը խոչընդոտելու և դաշինքին Շվեդիայի անդամակցության մասին արձանագրության վավերացումը ձգձգելու Հունգարիայի փորձերի հետ»,- գրում է պարբերականը: