«Ես ոչ մեկին չեմ հավատում». Պուտին

Ռուսաստանի նախագահ Վլադիմիր Պուտինը հայտարարել է, որ ոչ մեկին չի հավատում: Այսպես է լրագրող Դմիտրի Կիսելյովին տված հարցազրույցում Պուտինը գնահատել Արևմուտքի հետ «ազնիվ պայմանագրի» հավանականությունը:

«Չեմ ուզում այդ մասին խոսել, բայց ես ոչ մեկին չեմ հավատում։ Մեզ երաշխիքներ են պետք, և երաշխիքները պետք է լինեն այնպիսին, որ մեզ բավարարեն»,- նշել է Պուտինը:

Նրա խոսքով՝ Արևմուտքն արդեն հասկացել է, որ մարտի դաշտում Ռուսաստանին ռազմավարական պարտություն հասցնելն անհնար է:

Խոսելով ԱՄՆ-ի հետ հարաբերությունների մասին՝ Պուտինը վստահեցրել է, որ Ռուսաստանը պատրաստ է աշխատել ցանկացած նախագահի հետ և չի միջամտում ԱՄՆ նախագահական ընտրությունների ընթացքին: