Ընթրիքից հետո խեղդել է համագյուղացուն. ՔԿ
457 Երկուշաբթի, 15 ապրիլի, 2024 թ., 18:36 2024թ. ապրիլի 09-ին՝ ժամը 08։09-ին, Արագածոտնի մարզի Ավան բնակավայրից ահազանգ է ստացվել այն մասին, որ նույն բնակավայրի տներից մեկում հայտնաբերվել է 69-ամյա տղամարդու դի։ Դեպքի առթիվ ՀՀ քննչական կոմիտեի Արագածոտնի մարզային քննչական վարչությունում, ՀՀ քրեական օրենսգրքի 155-րդ հոդվածի 1-ին մասով, նախաձեռնվել է քրեական վարույթ: Իրականացված քննչական և վարութային անհրաժեշտ գործողությունների, ինչպես նաև՝ ոստիկանության ծառայողների կողմից ձեռնարկված օպերատիվ-հետախուզական միջոցառումների արդյունքում պարզվել են դեպքի էական հանգամանքներ, այդ թվում՝ առերևույթ հանցագործություն կատարած անձի ինքնությունը. վերջինս նույն բնակավայրի 63-ամյա բնակիչ է: Դեպքից ժամեր անց, համագյուղացուն ապօրինաբար կյանքից զրկելու անմիջականորեն ծագած հիմնավոր կասկածի հիմքով, ՀՀ ՆԳՆ ոստիկանության Աշտարակի բաժնի աշխատակիցների կողմից նա ձերբակալվել և ներկայացվել է վարույթն իրականացնող մարմնին: Քրեական վարույթով էական հանգամանքներ պարզելու նպատակով նշանակվել են մի շարք փորձաքննություններ: Նախաքննությամբ տվյալներ են ձեռք բերվել այն մասին, որ 2024թ․ ապրիլի 8-ին, 63-ամյա տղամարդն այցելել է տուժողի տուն, մինչև ուշ գիշեր մնացել այնտեղ, միասին ընթրել են՝ օգտագործելով նաև ոգելից խմիչք։ Այդ ընթացքում վիճաբանություն է ծագել նրանց միջև, որի ժամանակ 63-ամյա տղամարդը ձեռքով սեղմել է 60-ամյա տղամարդու պարանոցը և հարվածներ հասցրել նրա դեմքին ու գլխին՝ պատճառելով մարմնական վնասվածքներ: Դատաբժշկի նախնական եզրակացության համաձայն՝ տուժողի մահվան պատճառ է հանդիսացել պարանոցի օրգանները սեղմելու հետևանքով առաջացած մեխանիկական շնչահեղձությունը: Ձեռք բերված փաստական տվյալների հիման վրա՝ 63-ամյա տղամարդուն մեղադրանք է ներկայացվել՝ ՀՀ քրեական օրենսգրքի 155-րդ հոդվածի 1-ին մասով: Վերջինիս նկատմամբ կալանավորումը որպես խափանման միջոց կիրառելու միջնորդություն է ներկայացվել դատարան, որը բավարարվել է, և անձը կալանավորվել է։ Նախաքննությունը շարունակվում է։ |
Կոլումբիայում ուղղաթիռ է կործանվել․ կան զոհեր
19109:48Օդեսայի ուղղությամբ ռուսական հրթիռային հարվածի հետևանքով 5 մարդ է զոհվել
15509:30Արագածոտնում տղամարդը նախ սպանել է իր շանը, ապա ինքնասպան եղել
196Երեկ, 18:30Ականի պայթյունի հետևանքով ադրբեջանցի սահմանապահ է վիրավորվել
167Երեկ, 15:00Արտակարգ դեպք՝ Երևանի թիվ 140 դպրոցում
244Երեկ, 12:54Զինված հարձակում՝ ՌԴ ՃՈ դասակի վրա․ կան զոհեր (տեսանյութ)
402Երեկ, 11:24ԱՄՆ-ում մոլեգնող պտտահողմի հետևանքով առնվազն 4 մարդ է զոհվել (լուսանկար, տեսանյութ)
631Երեկ, 10:06Ավտոբուսի վթարի հետևանքով զոհերի և տուժածների թիվն աճել է (տեսանյութ)
27828.04.2024, 01:18