«Չպետք է թույլ տալ Լուկաշենկոյի մուտքը Հայաստան»․ Արսեն Խառատյան

«Ալիք մեդիա»-ի գլխավոր խմբագիր Արսեն Խառատյանը ֆեյսբուքյան իր էջում գրել է. «Բելառուսի բռնապետ Ալեքսանդր Լուկաշենկոն այցելել է Ադրբեջան: Հաշվի առնելով Մինսկի և Բաքվի ռեժիմների բնույթն ու էությունը, երկկողմ սիրառատ հարաբերություններն առավել քան տրամաբանական են: Երկու տրակտորով Շուշի ժամանած Բելառուսի բռնապետի՝ Ալիևյան գերդաստանի հասցեին հնչեցրած հիացական տեքստերը՝ ինչ խոսք Հայաստանի ու հայերի գործը չէ, սակայն որևէ երկրի ղեկավարի կողմից հրապարակային կերպով բարբարոս որակվելու փաստն անպատասխան թողնելն անթույլատրելի է:
Պաշտոնական Երևանը պետք է հրապարակային կերպով արձագանքի այս վարքագծին՝ հստակեցնելով նման պահվածքի անթույլատրելիությունը: Իր քաղաքացիներին դաժանաբար լռեցնել/սպանելու, երկիրն ամբողջապես Ռուսաստանին հանձնելու ճանապարհով իշխանություն պահած ինքնահավան բռնապետի մուտքը Հայաստան պետք է արգելել, քանի դեռ բացատրություն չի տրվել ասվածի վերաբերյալ»։