«Հուսով եմ՝ կներկայացնեք Ուկրաինայի հարցով ձեր տեսլականը»․ Պուտինը՝ Օրբանին

Հունգարիայի վարչապետ Վիկտոր Օրբանը Մոսկվա է ժամանել ոչ միայն որպես վաղեմի գործընկեր, այլև որպես ԵՄ Խորհրդի նախագահ: Այս մասին Հունգարիայի վարչապետի հետ հանդիպմանն ասել է ՌԴ նախագահ Վլադիմիր Պուտինը։

«Հուսով եմ՝ այս բարդ իրավիճակում երկկողմ հարաբերությունների կառուցման վերաբերյալ մտքեր փոխանակելու հնարավորություն կունենանք։ Եվ, իհարկե, կխոսենք եվրոպական ամենախոշոր ճգնաժամի զարգացման հեռանկարների մասին, նկատի ունեմ ուկրաինական ուղղությունը»,- ասել է Պուտինը։

Նա նաև հույս է հայտնել, որ Օրբանը կներկայացնի Ուկրաինայի հարցով իր և Եվրոպայի դիրքորոշումը։