«Թուրքիան անում է այն, ինչ գաղտնի նամակով Աթաթուրքն էր գրում Կարաբեքիրին». Կարեն Իգիթյան

«Պրեսսինգ» հաղորդաշարի տաղավարում հյուրընկալված՝ տարածաշրջանային հարցերով փորձագետ, «Հայկական նախագծի» համահիմնադիր Կարեն Իգիթյանը վստահեցնում է, որ թեև Թուրքիան ասում է՝ իհարկե, կբացենք սահմանը, եթե Զանգեզուրի միջանցքի հարցը պետք է լուծվի, արդյունքում Հայաստանն էլի կմնա իզոլյացիայի մեջ։ «Եթե Զանգեզուրի միջանցքն ստանան, այն աշխատելու է միայն Թուրքիայի և Ադրբեջանի համար։ Իրենք ուզում են պոկել այս տարածքը, որը ռազմավարական է և՛ մեզ համար, և՛ իրենց։ Մեզ համար այն կապ է Իրանի հետ, իրենց համար՝ Արևմուտքի և Արևելքի։ Եթե մենք չենք ունենում Իրանի հետ սահման, մեր ռազմական անվտանգությունը մի քանի անգամ նվազում է։
Թուրքիան անում է այն, ինչ գաղտնի նամակով Աթաթուրքն էր գրում Կարաբեքիրին՝ խաբեք Հայաստանին, թուլացրեք նրանց բանակն ու ստացեք այն, ինչ ուզում եք։
Այս պահին միակ երկիրը, որը պահում է Զանգեզուրի միջանցքը, Իրանն է՝ իր շահերից ելնելով։
Փաշինյանի հետ Արցախը հանձնելու, այսպես կոչված, Զանգեզուրի միջանցքի հետ կապված այս գործարքը նոր չի ավարտվել, այն ավարտվել է 2018թ.-ին, երբ արտաքին այդ ուժերը Փաշինյանին բերեցին իշխանության»,- ասաց զրուցակիցը։
Նահիշեցրեց, որ 2018թ-ին ԱՄՆ-ի նախագահի՝ ազգային անվտանգության հարցերով նախկին խորհրդական Բոլթոնը հայտարարել էր, որ մենք, հնարավոր է, Իրանի հետ սահման չունենանք։